Ազատ գետի աջ ափին վեր է խոյանում Գառնիի հրաշակերտ տաճարը: Այն կառուցված է սյուների վրա և հեթանոսական ժամանակներից մեզ հասած եզակի կառույցներից է ամբողջ տարածաշրջանում:
Տաճարը կառուցվել է ՄԹԱ 77 թ.-ին և կանգուն է մնացել 1600 տարի: Հայաստանի ամենաերկարակյաց այս շինությունը փլվել է 1679 թվականին՝ կործանարար երկրաշարժի պատճառով: Դրանից հետո հնամենի այս կոթողը կիսավեր մնացել է 300 տարի: Վերականգնվել է 1969-1975թթ-ին՝ ճարտարապետ Ա.Սահինյանի նախագծով և անմիջական ղեկավարությամբ:
Տաճարի կողքին հնում պալատական շենքեր են եղել: Դրանք չեն պահպանվել, պահպանվել է միայն բաղնիքը՝ խճանկարե հատակով: Այն պատրաստված է 15 գույնի բնական քարերից և պատկերում է ծով ու ծովային տեսարաններ:
